Ғимаратымыз ортаның қауіпсіздік пен санитариядан бастап эмоцияға қатысты ахуалға, педагогтердің кәсіпқойлығына және білім беру іс-шараларының әралуандығына дейінгі бар аспектісін бағалайтын ITERS (Infant and Toddler Environment Rating Scale) және ECERS (Early Childhood Environment Rating Scale) шкалаларында көрсетілген балабақша сапасына қойылатын халықаралық талаптарға сай салынып, ұйымдастырылған.

Балабақшамыздың артықшылығы – ерекше атмосферасы мен әр детальға ден қоятыны. Ғимаратының сәулеті мен онда қолданылатын материалдар балаларға түгел қауіпсіз: ірі моториканы дамытуға арналған жабдықтың астына қатты соққыдан қорғайтын жабын төселген және құлап қалғанда қауіпсіз аймақтар бар, жиһаздардың бәрінің бұрышы жұмырланған, үнемі таза да ылғалдатылған ауа беріліп тұрады, қоршаған ортаға зиянсыз әрлейтін материалдар қолданылған. Аумаққа кіріп-шыққандар қатаң бақыланады, бейнебақылау камералары орнатылған, күзет қызметі жұмыс істейді.

Біз әр бала өзін жайлы сезінсін деп, әртүрлі көмекке мұқтаж балаларға бейімделген топтары мен бөлмелері бар инклюзив орта қалыптастырамыз. Кабинеттердің бәрі балалардың жас және психологиялық ерекшеліктерін ескеріп жобаланған: ойын, оқу және демалыс аймақтары жайлы, ыңғайлы әрі баланың үйлесімді дамуына ықпал етеді.

Біздің білім беру бағдарламамыз балалардың ойлау, сөйлеу, елестету қабілеттерін, эмоциялық ой-өресі мен әлеуметтік машықтарын дамытуды көздейді. Мұнда ата-анаға нағыз серіктес болатын педагогтер маңызды рөл атқарады: олар баланы оқытып-үйретіп қана қоймай, әр ата-анаға баласын жақсырақ түсінуге көмектеседі.

Серуендеу аймақтарына ерекше назар аударылған: олар кең, қауіпсіз, көлеңкеленген жерлермен, жұмсақ жабынмен және зиянсыз ойын модульдерімен жабдықталған. Мұның бәрі біздің балабақшаны балаларға жайлы, жылы әрі оларды шынымен дамытатын кеңістікке айналдырады.

Адамның бала кезі – мектепке дайындық қана емес, өмірдің толыққанды, маңызды кезеңі де. Сол себепті де біздің басты мақсатымыз – әр бала қауіп-қатерден аман болып, өзін өзгелер жақсы көріп тұратынын сезіп әрі жетілуге құштарланып жүретін орта жасау.